Магадгүй дэлхийн хамгийн сайхан зочид буудлын талаар бид өнөөдөр танд хүүрнэх гэж байна. Энэхүү зочид буудал нь 200 метрийн өндөртэй (55 давхар) 3 ширхэг цамхагнаас бүрдэх бөгөөд дээвэр нь хоорондоо уужим том талбай, усан сангууд, ногоон цэцэрлэг бүхий 12,4 мянган квадрат метр талбайтай ер бусын цогцолбороор холбогддог ажээ. Зочид буудлын дээвэр дээрхи гол бассейн нь задгай тэнгэрийн доор, оршдог тул амрагчдад маш ер бусын мэдрэмжийг төрүүлдэг байна. 150 метр урт үргэлжлэх энэхүү усан сан нь ийм өндөрлөгт орших хамгийн том бассейнд тооцогддог. Зочид буудалд нийт 2500 өрөө, худалдааны төвүүд, хурлын танхимууд, 2 театр, нэг музей болон хэд хэдэн зоогийн газрууд байрладаг байна. Уг барилгыг босгоход хөрөнгө оруулагчдаас 8 тэрбум долларын зарлага гарчээ. Marina Bay Sands нь дэлхийн хамгийн сонирхолтой, бас хотын дунд биеэ даан сүндэрлэсэн жинхэнэ "амралтын газар” болж чадсан байна.

Ерөнхий төрх. Энэхүү гурван цамхагт нийтдээ 2500 өрөө байдаг. Дээвэр дээр нь усан сан байрлажээ. Мөн "Том цагаан Сараан” гэдэг нэртэй орчин үеийн урлагийн музей, доод давхруудад нь дэлгүүр, ресторан, театрууд ажилладаг байна.